مباراة الحكومه

البعض يلعب خشن والبعض مو هداف
البعض يلعب اناني ومو جماعيه
البعض يطلع تسلل للحدود يريد
يسجله هدف من دون شرعيه
البعض فاقد لياقه وتعب نص الشوط
البعض ماخذ منشط ميه بالميه
البعض جايب مدرب من جوار الشوم
خبرته بالمفخخ مو رياضيه
مدرب مانريد وخطه من جيران
جيران العراق ادز حراميه
وجيران العراق اتعد خطط للموت
اما بلعبه للحب مو استاديه
نريد من العراق الخطه والتدريب
ولا بأس استفادوا بخبره غربيه
شارة كابتن نطيها للعقّال
اليحب روح الجماعه وعنده عقليه
الما يلعب اساسي الفرصه ما تجزاه
بعد عدنه لعب واشواط اضافيه
مباراة الحكومه نريد منها اهداف
تعبنه من النتائج كلها سلبيه
ما قصّر شعبنه ويلسياسيين
وصلهم بصابع للنجوميه