قصيدة غريب يا ناس

من طرف لمى الحكيم الخميس 18 سبتمبر 2008, 11:14 pm

غريب يا ناس

غــــريب يانـــــاس والفــرح عني غـــــــاب

غـــــريب وعايش وياحـــوش ســاكنين غاب

غــــريب ومشتـــــاق لهلي وكعدت الاحبــــاب

مشتاق اشــــوف جيراني وكــــل الاصحـــــاب

مشتاق ارجع لموطني اشم هواه وابوس لتراب

غريب ومشتاق لموطني وياناس اللي اسباب

موطني بستان بيه النخل والخير والاعنــــــاب

موطني بيه كل شي يختلف عن ديرة الاغراب

موطني يختلف بيه الماي وحتى الهوا الهاب

ببلادي كل الناس اهل واخــــوان واحبــــاب

ببلادي لـــوتسئل تلكى ملــــــــيون جـــــواب

ببلادي لــــو تحتـــاج ينفتح لك مليون بــــاب

بعـــــكس اهــــل الغــــرب وبــلاد الاغــــراب

بلاد الغــــرب غـــابه مــخيم عــــــليها الضباب

واهل الغـــرب وحوش والاليف بيهــــم اغـــراب

بالغربه اكـــو صيادين لـو رموا سهمهم تلكاه بالقلب صاب

وبالغربه العين تلكاها اربعه وعشرين ساعه دمعها صاب

يـــــاموطني بالغــربة جسمي انحنى والـراس شـــاب

صحيح انــــا عمري بالــعشرين بس مــاضليت شـــاب

يامـــوطني اريد ارجعلك شلون قلبي الحديد ذاب

اريد ارجعلك ياوطن مو اخاف اموت من كثر العذاب

ياعراق اخاف اموت غـــريب لا يمي اهل ولا احباب
____________

من طرف WAADSAEED الجمعة 19 سبتمبر 2008, 5:46 pm

تسلمين يااخت لمى على هكذا شعر صدقيني الغربه ماتنراد والله الغربه شيبت حتى الطفل بس الله ينتقم من الي كان السبب والي خلانا نتهجر بالبلدان او انصير اذلاء

قصيدة غريب يا ناس

قصيدة غريب يا ناس

رد: قصيدة غريب يا ناس